Bombo serbisyo: Ang mga programang manipestasyon ng corporate social responsibility ng Bombo Radyo

Abstract

Ang Bombo Radyo Philippines ay isa sa mga sikat na estasyon ng radyo na nagsimula sa lungsod ng Iloilo. Ito ay pinamumunuan ni Dr. Rogelio M. Florete. Mayroon itong station ID na “Ang Pambansang Radyo ng Pilipinas, Basta Radyo...Bombo.” Ang salitang Bombo ay nangangahulugang dram, at ito talaga ang ginagamit ng kanilang mga anchorman habang nagkakaroon ng programa sa loob ng kanilang estudyo. Ang pag-aaral na ito ay tungkol sa: 1. kasaysayan ng Bombo Radyo Philippines mula sa pagkakatatag hanggang sa kasalukuyang mayroon na itong humigit kumulang 40 na estasyon; 2. mga programa ng Bombo Radyo na pasok sa tinatawag na Corporate Social Responsibility (CSR), at 3. pagtataya sa ambag ng estasyon sa paglilingkod sa komunidad. Inaasahang makakapag-ambag ang Pananaliksik na ito sa kasaysayang institusyunal sa pamamagitan ng pagtutuon ng pansin sa papel na ginagampanan ng brodkast midya sa komunidad. Mahalaga ring halimbawa ang Bombo Radyo Philippines sa pagpapadama ng responsibilidad nito sa lipunan. Kasabay ng pagkakaloob ng tulong, dapat ding pansinin na nakatutulong ang mga programang serbisyo ng Bombo Radyo sa malawakang promosyon ng estasyon.